Më 15 dhjetor 2022, Reali i Madridit zyrtarizoi blerjen e talentit brazilian, Endrick. Drejtuesit e “Los Blancos” arritën një marrëveshje transferimi me Palmeirasin për rreth 35 milionë euro, shumë e cila mund të arrijë në 60 milionë në varësi të arritjes së disa objektivave nga sulmuesi i ri.

Joao Paulo Sampaio, drejtor i akademisë së të rinjve të Palmeirasit dhe zbulues i Endrick, ka zbuluar detaje të marrëveshjes në programin 'El Chiringuito'.

"Me të gjitha objektivat dhe normat çmimi i tij mund të arrijë deri në 72 milionë. Klauzolat janë për gola dhe asistime. 5 gola të tij i kushtojnë Realit 1.5 milionë euro... Deri në 60 milionë euro në total”, ka shpjeguar zbuluesi i Endrick.

Joao Paulo Sampaio shpjegoi se "nëse Endrick fiton Topin e Artë, mendoj se nuk ka asnjë klauzolë".

Ai zbuloi gjithashtu se për talentin brazilian u interesuan shumë klube të mëdha në Evropë.

"Reali i Madridit ka një brazilian, Juni Calafat, i cili drejton një ekip zbuluesish talentesh në Brazil. Chelsea dhe ekipet e tjera e morën babanë e Endrick-ut në Londër. Por kur pa se ishte opsion edhe Reali, ai zgjodhi Madridin”.

💣 El PALMEIRAS nos desvela TODA la OPERACIÓN ENDRICK.

🤯 "El REAL MADRID paga 300.000 euros por gol de Endrick".

📁 CONFIDENCIAL @elchiringuitotv desvelado en #Sportplus. pic.twitter.com/8yojmsRNzv

— El Chiringuito TV (@elchiringuitotv) September 24, 2024