“EL Mundo Deportivo”, një gazetë shumë pranë klubit të Barcelonës, ka konfirmuar se Marc ter Stegen do t'i nënshtrohet një operacioni këtë pasdite.

Portieri gjerman pëson një çarje të plotë të tendinës së gjurit të djathtë në fund të pjesës së parë të ndeshjes Villarreal-Barça (1-5).

Portieri nuk dëshiron të humbasë kohë në rikuperimin e tij. Klubi i Barçës bën me dije se do të lëshojë një deklaratë tjetër mjekësore kur të përfundojë ndërhyrja.

Koha e parashikuar e mungesës është shtatë deri në tetë muaj, që do të thotë se portieri gjerman i ka thënë lamtumirë sezonit.

Ter Stegen tashmë ka kryer testet e para mjekësore në spitalin Vithas Castellón, ku u transferua me ambulancë nga stadiumi La Cerámica në pjesën e dytë të ndeshjes kundër Villarrealit.

Skanimet konfirmuan frikën të theksuar nga Hansi Flick në një konferencë shtypi dhe nga presidenti Joan Laporta kur u largua nga fusha. Portieri gjerman u ekzaminua sërish në Qendrën Mjekësore Ciutat Esportiva përpara se të merrte një vendim për një ndërhyrje që konsiderohet të jetë e pashmangshme.