Interi u mposht 2-1 nga Milani në derbin e Madonninas, ku skuadra kuqezi tregoi më shumë dëshirë për suksesin. Në fund të ndeshjes, Simone Inzaghi pranoi se rivali ndërqytetas e meritoi fitoren.

“Milani është një skuadër e shkëlqyer, në këtë derbi luajti më mirë se ne. Ne nuk ishim shumë skuadër, gjë që na ndodh rrallë. Unë u përpoqa të ndryshoja, por ne nuk ishim shumë kompakt.”

Trajneri i zikaltërve nuk kërkon justifikime dhe shton: “Nuk ishim të qartë si në fazën e zotërimit ashtu edhe kur nuk e kishim topin nën kontroll, dy golat e dëshmojnë këtë. Në pjesën e dytë, pas barazimit, nuk bëmë sa duhet. Ne e dimë rëndësinë e derbit, tani duhet të punojmë që ta kalojmë këtë situatë.

Humbjet janë të qarta, veçanërisht në një derbi dhe ne do të përpiqemi të bëjmë më shumë. Ndjesia që lamë është se nuk jemi skuadër, kjo disfatë sigurisht që do të duhet të analizohet sepse mund të kishim bërë më shumë".