Berat Gjimshiti ishte edhe një herë tjetër një nga më të mirët në fushë për Atalantën, këtë herë në sfidën ndaj Arsenalit, e vlefshme për javën e parë të edicionit të ri të Ligës së Kampioneve në formatin e ri.

Ndeshja nuk shkoi më shumë se një barazim pa gola dhe paraqitja e bërë i siguroi mbrojtësit të Kombëtares vlerësimin me notën 7.

“Më pak gabime në krahasim me ndeshjen ndaj Fiorentinës, luan me më shumë vëmendje dhe përqendrim pa u lejuar praktikisht asgjë anglezëve”, ishte komenti i “Tuttomercatoweb”.