Daniele De Rossi nuk është më trajner i Romës. Paraditen e djeshme u bë njoftimi i shkarkimit, ndërsa gjatë pasdites u zyrtarizua Ivan Juric në pankinën e klubit verdhekuq.

“La Repubblica” ka zbuluar disa prej arsyeve që çuan në shkarkimin e De Rossit e një prej tyre ka lidhje me deklaratën e bërë pak ditë më parë nga Francesco Totti: “Daniele është rrufepritës".

Gjithashtu ka peshuar në vendimin për ta larguar qasja e trajnerit në zgjidhjen e disa çështjeve, si në rastin e Zalewskit dhe në veçanti të Dybalas (pa harruar fërkimin me CEO-n, Lina Souloukou).

Mësohet se DDR javët e fundit kishte paraqitur dorëheqjen, por që i ishte refuzuar. Atij i ishte kërkuar nga drejtuesit që kampioni argjentinas (Dybala) të mos luante më shumë se 14 ndeshje, për të mos plotësuar numrin e nevojshëm të aktivizimeve që do të çonte në rinovimin automatik të kontratës. Do të kushtonte 30 milionë euro bruto, një goditje e pakontrollueshme për arkën e Romës. Për De Rossin, megjithatë, kjo kërkesë është një ndërhyrje në punën e tij, kushti që kishte kërkuar dorëheqjen, të refuzuar nga bordi amerikan.