Të shtëna me armë në mes të një ndeshjeje futbolli në një lagje në Ekuador. Disa kriminelë mësynë në fushën e futbollit duke qëlluar me armë zjarri. Kërkonin dikë, nuk dihet nëse është lojtar apo dikush nga publiku. Për mrekulli, askush nuk u lëndua, por futbollistët në fushë përjetuan momente tmerri.
Në një video të publikuar në rrjetin social X, dy persona me skafandra në kokë “pushtuan” krejt papritur fushën. Një prej motoçiklistëve, i cili mbante armë, zbriti nga automjeti dhe ndoqi një person, i cili vrapoi në fushë për të shmangur goditjet, ndërsa lojtarët dhe publiku (mes tyre edhe disa fëmijë) ikën të tmerruar nga vendi i ngjarjes.
Në fund të videos, personi i armatosur shihet duke u larguar nga vendi i ngjarjes, por pa i ndërprerë të shtënat.
Ngjarja u regjistrua për shkak se ndeshja e futbollit po raportohej drejtpërdrejt dhe në fund të videos dëgjohet komentatori që thoshte se vrasësit nuk ia arritën qëllimit.
© SYRI.net
Bëje LIKE dhe merr lajmin e fundit nga Sporti: