Futbollisti i Real Madrid, Jude Bellingham, tashmë ka kanalin e tij në Youtube ku poston video të ndryshme dhe flet për ngjarje mjaft interesante.

Anglezi ka treguar një moment interesant që i kishte ndodhur me trajnerin e tij Carlo Ancelotti.

Ai tregonte se kanë qenë duke parë një ndeshje futbolli të vëllait të tij teksa ai kishte shënuar dy gola.

Aty nuk kishte munguar reagimi epik i Ancelottit.

“Unë ende e kujtoj kur vëllai im Jobe realizoi dy gola dhe ne ishim duke e parë ndeshjen me Ancelottin, teksa m’u drejtua e më tha ne kemi sjellë njeriun e gabuar këtu, ne duhet të marrim atë”, tregon Bellingham.

Ndërsa më tej, Jude në humor e ka pyetur italianin se në vend të kujt do të luante vëllai i tij, teksa përgjigja e Carlos ishte epike.

“Ku do ta inkuadrosh atë? Ancelotti ishte përgjigjur në pozicion tënd”, përfundoi Bellingham.

Kujtojmë se Jude u transferua verën e kaluar nga Dortmundi tek Reali dhe ka qenë njëri ndër lojtarët më të mirë të skuadrës sezonin që lamë pas.