Ndahet nga jeta ish-presidenti i Boksit të Pogradecit Qani Mbroçi, njeriu që jo vetëm solli “dorezat e zeza” në qytetin liqenor, por së bashkë me trajnerin Muharrem Gjoni i sollën Pogradecit 38 tituj kampion dhe 53 vende të dytë në aktivitetet e ndryshme kombëtare.

Do të ishte Qani Mbroci ai që vendosi rikthimin e boksit në këtë qytet në vitin 1994. Fillimisht me boksierë të moshave e me pas ekipet pogradecare që u përfaqësuan në gjithë aktivitetet me para të rinj, të rinj e të rritur.

Falë kontributit financiar të presidentit Mbroçi në Pogradec janë zhvilluar disa aktivitete kombëtare e rajonale.

Me largimin nga kjo jetë të Qani Mbrocit boksi pogradecar e ai shqiptar ka humbur një pjesë të historisë së ringut.