Roman Jaremçuk e nisi ndeshjen mes Ukrainës dhe Shqipërisë si një nga emrat më të rrezikshëm të sulmit të skuadrës ukrainase. Por falë kontrollit perfekt të dyshes Kumbulla-Ismajli, ai do të kujtohet në këtë sfidë vetëm për faktin që vonoi startin e ndeshjes për shkak se kishte çorapet e grisura.

 “Pse erdhi rezultati negativ? Është e vështirë ta thuash tani, pasi ishte një ndeshje e fortë. Mendoj se çdokush duhet të kërkojë maksimumin nga vetja dhe do të ishte e gabuar që të fajësonim dikë tani kur situata është ende e nxehtë. Ndaj mendoj se çdokush duhet ta fillojë nga vetja, të nxjerrë konkluzionet dhe të ecë përpara.

Vonesa në fillimin e ndeshjes? Janë vendosur rregulla të reja ku nuk lejohet më të grisen çorapet”, shpjegoi pas ndeshjes sulmuesi i Ukrainës.