Bisedimet mes Napolit dhe Chelseat për Romelu Lukakun do të vazhdojnë sot (e premte) dhe klubi italian thuhet se do të dërgojë një ofertë të përditësuar për sulmuesin belg.

Napoli ende nuk ka arritur një marrëveshje për sulmuesin e Chelseat gjatë raundit të fundit të bisedimeve të enjten, por negociatat mes dy klubeve do të rifillojnë sot.

Sipas “Il Corriere dello Sport”, drejtori i Napolit, Giovanni Manna, ka qëndruar në Londër dhe do të takohet sërish sot me drejtorët e Chelseat.

Raporti pretendon se Napoli është i hapur për të diskutuar një transferim të përhershëm, por ende nuk ka arritur çmimin e kërkuar të Chelseat.

Sipas “CorSport”, ashtu edhe “Tuttosport”, Blutë do të pranojnë një tarifë nën klauzolën prej 43 milionë eurosh të Lukakut, megjithëse ata ende presin një ofertë afër 40 milionë euro.

Nga ana tjetër, sipas gazetës “Tuttosport”, presidenti i Napolit, Aurelio De Laurentiis, ka lejuar Mannan të rrisë ofertën nga 30 milionë në 32 milionë euro, kështu që të dy klubet nuk janë të garantuara të shtrëngojnë duart së shpejti.