Jose Mourinho ka vendosur të krijojë një pseudonim të ri në vend që të quhet “Special One” apo “I veçanti”, 20 vjet pas konferencës së tij ikonike hapëse për shtyp te Chelsea.

Mourinho e shpalli pseudonimin pas emërimit të tij në “Stamford Bridge”, me Blutë që shmangën konkurrencën nga Liverpooli për ta emëruar atë pasi fitoi Ligën e Kampionëve në vitin 2004 me Porton.

Trajneri portugez do ta forconte pretendimin e tij me dy tituj radhazi në Ligën Premier me Chelsean, përpara se të fitonte Ligën e Kampionëve më 2010 me Interin në një nga triumfet më të mëdha të kësaj gare.

Në një konferencë të mbushur me shtyp në qershor të 2004, Mourinho u tha gazetarëve të mbledhur pseudonimin e tij.

“Duhet ta them këtë. Ne kemi lojtarë të mëdhenj dhe më vjen keq që jam pak arrogant, ne kemi një menaxher të madh. Ju lutem mos më quani arrogant, sepse kjo që them është e vërtetë, unë jam kampion evropian, kështu që nuk jam një shishe.

Unë mendoj se jam një person i veçantë”, kishte deklaruar Mourinho.

Tani, pas 20 vitesh, trajneri i Fenerbahces ka njoftuar se dëshiron të njihet me një pseudonim të ri.

“Duket sikur më takon mua të përshtatem me futbollin turk dhe jo anasjelltas. Unë jam ai që kam ardhur, jam i huaji, nuk do të ndryshoj gjendjen, ndaj duhet të përshtatem.

Nuk është futbolli turk ai që duhet të përshtatet me mua, jam unë që duhet të përshtatem me futbollin turk”, ka thënë tashmë ‘I huaji’.

T̵h̵e̵ ̵s̵p̵e̵c̵i̵a̵l̵ ̵o̵n̵e̵
𝐓𝐡𝐞 𝐟𝐨𝐫𝐞𝐢𝐠𝐧 𝐨𝐧𝐞

After Fenerbahce's disappointing start to the season, coach Jose Mourinho says he is the one who needs to adapt - but not without taking a dig at Turkish football and staging opponents. 🇹🇷 pic.twitter.com/oUC7iQWwgI

— DW Sports (@dw_sports) August 19, 2024