Rei Manaj është një ndër lojtarët që mund të shitet nga Sivaspori në Turqi, edhe pse sulmuesi ka luajtur javën e parë. Së fundmi bëhet e ditur se Trabzonspori ka hyrë në bisedime për të blerë Manaj duke përfshirë dy lojtarë plus para në shkëmbim.
Skuadra e kaltërve ka vënë në axhendën e saj sulmuesin shqiptar dhe është në negociata intensive për këtë transferim. Sipas informacioneve nga mediat turke, Sivaspori kërkonte si shkëmbim Tekliç dhe Umut Gunesh.
Përveç kësaj, Trabzonspor ofroi emrat e Orsiç dhe Umut Bozok në shkëmbim. Mosgatishmëria e Umut Bozok për t’u larguar krijoi pengesë në negociatat e transferimit.
Flitet se 4 milionë euro ishte shifra që Trabzonspori ofroi përveç dy emrave që do t’i bashkoheshin Sivasporit. Megjithatë, sot, Manaj do të luajë me skuadrën e tij ndeshjen e dytë të kampionatit, në transfertë ndaj Kajserisporit në orën 18:15.
© SYRI.net
Bëje LIKE dhe merr lajmin e fundit nga Sporti: