Sesioni stërvitor Triathlon-Swimming u anulua, pasi shiu rriti nivelet e ndotjes së lumit Sene.

I planifikuar për të dielën, sesioni stërvitor i notit në triatlon i Olimpiadës është anuluar, pasi shiu i dendur që përfshiu Parisin ndikoi në nivelet e ndotjes në Sene, thanë organizatorët në një deklaratë.

“Kemi pasur disa reshje shiu, por gjithçka që është vënë në vend ka funksionuar, parandalon vënien e mbingarkesave, kështu që mendoj se do të arrijmë një cilësi të kënaqshme të ujit shumë shpejt, por kjo do të varet edhe nga parashikimi i motit,” tha Pierre Rabadan, nënkryetari i bashkisë së qytetit në një konferencë shtypi të dielën.

Testet e kryera në Seine të shtunën "zbuluan nivelet e cilësisë së ujit, që sipas mendimit të federatës ndërkombëtare, World Triathlon, nuk ofronin garanci të mjaftueshme për të lejuar mbajtjen e ngjarjes", thanë në një deklaratë organizatorët Paris 2024. "Kjo është për shkak të shiut që ka rënë në Paris më 26-27 korrik."

Organizatorët thanë se, duke pasur parasysh parashikimin e motit për rritjen e temperaturave gjatë 48 orëve të ardhshme, ishin "të sigurt" se cilësia e ujit do të përmirësohej përsëri, përpara se ngjarjet e triathlonit të fillonin të martën me garën për meshkuj.

World Triathlon takohet me autoritetet e qytetit të Parisit çdo mëngjes, përpara stërvitjeve ose garave të triathlonit për të analizuar rezultatet më të fundit të testeve të ujit dhe për të vendosur nëse Sena është mjaft e pastër për atletët për të notuar.