Sir Alex Ferguson ka zgjedhur dy lojtarët që Manchester United duhet të mbajë në klub.
Duke folur së fundmi me yllin e TikTok, Jamal Niaz, Ferguson u pyet për ndikimin që kanë pasur të rinjtë Alejandro Garnacho dhe Kobbie Mainoo.
Ferguson tha: “Janë themeli apo jo? Zemra dhe shpirti i asaj që ka qenë Manchester United që nga ditët e Sir Matt Busby, i cili filloi të gjithë procesin e besimit të lojtarëve të rinj duke luajtur.
“Ata janë të rinj. Ajo që ata po tregojnë për momentin, qetësinë dhe besimin për të luajtur në ekipin e parë dhe për të mos u trembur nga kjo”.
Ai shtoi: “Në një farë mënyre, kjo ju tregon llojin e guximit që ata kanë. Është një dallim në qeniet njerëzore, disa kanë vullnetin të jenë të tillë (të patrembur në moshë të re).
Këtë verë, Garnacho ishte pjesë e skuadrës së Argjentinës që fitoi Kupën e Amerikës 2024 në Shtetet e Bashkuara të Amerikës.
Ndërkohë, 19-vjeçari Mainoo u shpërblye me një vend në skuadrën e Anglisë të Gareth Southgate për Euro 2024 pasi bëri paraqitje të mira në Old Trafford.
Mainoo ishte titullar në finale kundër Spanjës, por Tre Luanët u mundën pasi një gol në minutat e fundit nga Mikel Oyarzabal vulosi një fitore 2-1 për djemtë e Luis de la Fuente.
Të dy lojtarët tani do të gëzojnë pak pushim përpara se të kthehen në stërvitje përpara sezonit 24/25.
© SYRI.net
Bëje LIKE dhe merr lajmin e fundit nga Sporti: