Carlo Ancelotti ka folur për të ardhmen ndërsa ka qenë i ftuar në “Giffoni Film Festival”.
Italiani u shpreh se nuk e di se kur do të largohet nga Real Madrid, ndërsa theksoi ndoshta kur klubi spanjoll të jetë lodhur me të.
“Nuk e di se kur do të largohem, ndoshta kur Reali të jetë i lodhur nga unë, do të duhet të mendoj se çfarë të bëj. Unë jam ngurrues ndaj kombëtareve, preferoj çdo ditë punë. Reali është familje. Bellingham ishte një surprizë, por meritat i shkojnë gjenetikës së tij. Kampioni është i tillë nga gjenetika, shton stërvitjet, por është gjenetika që e bën kampionin”- tha fillimisht trajneri i Real-it.
Sa i përket pyetjes për Kampionatin Europian, tekniku italian deklaroi se Spanja e meritoi fitoren.
“Spanja e meritoi fitoren, kishte më shumë talent. Ishte një Kampionat Europian me pak intensitet, lojtarët më cilësorë erdhën të lodhur”, shtoi ai.
Teksa në fund, sa i përket afrimit të bujshëm të madrilenëve, trajneri i Real-it tha me shaka se do ia gjejnë një vend ku të luajë.
“Mbappe-në do ta vendos diku, do t’i gjejmë një vend…”-tha Ancelotti me shaka.
© SYRI.net
Bëje LIKE dhe merr lajmin e fundit nga Sporti: