Nino Salukvadze duket se nuk e vuan kalimin e kohës. Qitësja gjeorgjiane mori të drejtën e pjesëmarrjes në Lojërat Olimpike “Paris 2024”, duke u paraqitur kështu në Olimpiadën e dhjetë të karrierës së saj.
55-vjeçarja me origjinë nga Tbilisi iu bashkua kalorësit kanadez Ian Millar, që gjithashtu numëron 10 pjesëmarrje në Lojërat Olimpike. Salukvadze e bëri debutimin e saj në garën me pesë unaza në Seul 1988, kur ajo ishte ende duke përfaqësuar Bashkimin Sovjetik.
Rekordi i Salukvadze është unik edhe për faktin se ajo merr pjesë në Lojërat Olimpike për të 10-tën herë radhazi. Në këtë event olimpik ajo ka fituar një medaljte të artë dhe një të argjendtë në debutimin e saj si dhe një të bronztë në Pekin 2008.
Në vitin 2016, Salukvadze vendosi edhe një tjetër rekord duke u bërë nëna e parë që mori pjesë në Lojërat Olimpike, në atë rast në Rio de Zhaneiro, së bashku me djalin e saj Tsotne Machavariani.
© SYRI.net
Bëje LIKE dhe merr lajmin e fundit nga Sporti: