Bayer Leverkusen nis këtë edicion të Bundesligës me petkun e kampionit dhe me dëshirën për të vazhduar rrugëtimin e nisur nën drejtimin e Xabi Alonsos.
Por gjërat kanë nisur me telashe për “aspirinat”.
Në stërvitjen e parë të skuadrës, të gjithë panë me çudi se mungonte sulmuesi iranian Sardar Azmun.
Sipas mediave gjermane, lojtari i cili kishte kryer të gjitha testet mjekësore, thjesht kishte vendosur të bojkotonte stërvitjen e parë nën urdhrat e Xabi Alonsos, pa dhënë shpjegime.
“Nuk duhet thjesht të bësh testet mjekësore, edhe duhet të stërvitesh. Ai ishte këtu me ne dje, por jo sot. Kjo është e dukshme. Tani duhet të qartësojmë se çfarë po ndodh”, tha për “Bild” drejtori sportiv i klubit, Sajmon Rolfes.
Azmun raportohet se ka dëshirë të largohet nga Leverkuseni, pasi edhe në sezonin e kaluar ishte huazuar te Roma.
Deri tani nuk ka një ofertë zyrtare për të, por bëhet e ditur se ka patur interesim edhe nga kampionati i Arabisë Saudite.
© SYRI.net
Bëje LIKE dhe merr lajmin e fundit nga Sporti: