Vjen edhe zyrtarizimi i transferimit të Ernest Muçit te Besiktasi në Superligën turke, klub që do të paguajë 10 milionë euro në arkat e Legias së Varshavës për shërbimet e 22-vjeçarit.
Sulmuesi i kombëtares shqiptare (7 ndeshje dhe 2 gola me kuqezinjtë) do të jetë pjesë e skuadrës nga Stambolli deri në verën e vitit 2027.
Nga ky operacion do të përfitojë edhe Tirana, që ka ruajtur 10% të kartonit të Muçit.
Talenti shqiptar do të përfitojë rreth 1.8 milionë euro në sezon nga kontrata me Besiktasin.
“Mirë se vjen te Besiktasi“, lexohet mbi videon e 16 herë kampionëve të Turqisë në rrjetet sociale.
© SYRI.net
Bëje LIKE dhe merr lajmin e fundit nga Sporti: