Napoli i çudive vazhdon të mahnitë në Europë, ku ka regjistruar një tjetër fitore spektakolare në Ligën e Kampioneve përballë Ajaxit duke siguruar kualifikimin në fazën me eliminim direkt të turneut.
Skuadra italiane ka fituar me shifrat 4-2 në një duel të kontrolluar plotësisht dhe ku shënuan thuajse të gjithë protagonistët e sulmit duke filluar nga Lozano, për të vazhduar me Raspadori, Kvaratskhelia e Osimhen.
Një provë mbresëlënëse e italianëve të cilët fundosën Ajaxin që tashmë rrezikon t’i japë lamtumirën Ligës së Kampioneve pas një edicioni për t’u harruar.
Ndërkohë, në Grupin B vazhdon magjia e Club Brugge, të cilit i mjafton që ndeshja e sotme mes Portos e Bajer Leverkusen të mos ndahet në barazim për të festuar kalimin në turin tjetër.
Skuadra belge regjistroi një barazim pa gola në fushën e Atletico Madrid, duke ruajtur portën të paprekur për ndeshjen e katërt radhazi.
© SYRI.net
Bëje LIKE dhe merr lajmin e fundit nga Sporti: