Një ngjarje e rëndë ka ndodhur në ndeshjen miqësore ndërmjet Salzburg dhe CSKA Sofia, teksa ndeshja është ndërprerë për shkak të rrëzimit të një prej tifozëve nga tribuna e lartë tre metra.
Ngjarja ka ndodhur mbrëmjen e së premtes në qendrën sportive Anif pranë Salzburgut, 15 minuta para përfundimit, kur skuadra vendase Salzburg po kryesonte 2-1.
Tifozi është rrëzuar nga tribuna për arsye të panjohura. Më pas një helikopter i ambulancës ka zbritur në fushë dhe ka dërguar të plagosurin në Spitalin Shtetëror të Salzburgut.
Siç raporton agjencia austriake e lajmeve APA, shikuesi është plagosur rëndë.
Një zëdhënës i Red Bull Salzburg konfirmoi se një mjek i ekipit dhe shpëtimtarët ishin të përfshirë në kujdesin për viktimën, teksa klubi austriak shkroi në Twitter:
“Nuk po humbim kohë duke menduar për rezultatin, thjesht i urojmë personit në fjalë çdo të mirë”.
© SYRI.net
Bëje LIKE dhe merr lajmin e fundit nga Sporti: