Pasi gjykoi ndeshjen FK Jablonec-CFR Cluj në raundin e grupeve të Conference League, që u mbyll me rezultatin 1-0, Enea Jorgjit i është besuar një tjetër ndeshje nga UEFA.
Jorgji do të jetë arbitër kryesor në ndeshjen e Nations League mes Qipros dhe Irlandës së Veriut që do të zhvillohet më 5 qershor në orën 18:00.
Enea Jorgji do të shoqërohet nga të tjerë arbitra shqiptarë në këtë përballje. Asistentë të Jorgjit në këtë përballje do të jenë Ridiger Çokaj dhe Denis Rexha, ndërsa arbitër i katërt do jetë Kridens Meta.
Pjesëmarrja e arbitrave shqiptarë në arenën ndërkombëtare është një tjetër sukses për futbollin shqiptar, që rreth një javë më parë priti në Tiranë finalen e parë europiane, atë të Conference League mes Romës dhe Feyenoord që përfundoi me rezultatin 1-0.
© SYRI.net
Bëje LIKE dhe merr lajmin e fundit nga Sporti: