Tre ditë para përfundimit të Premier League dhe duelit të fundit në distancë midis Manchester City dhe Liverpool për titull, Chelsea ka mundësinë të sigurojë vendin e tretë në ndeshjen e prapambetur të 27-të kundër Leicester në orën 21:00.

Bluve do t'u mjaftonte një barazim për ta mbyllur sezonin në podium ndaj një kundërshtari që nuk mund ta ëndërrojë më Evropën.

Thomas Tuchel e nis me 3-4-3 me shumicën e lojtarëve që luajtën në finalen e FA Cup të humbur përballë Liverpool të shtunën e kaluar (0-0, 5-6 penallti). Mbrojtja mbetet e njëjtë, Chalobah-Silva-Rudiger. Vetëm një ndryshim në mesfushë: Kovacic zëvendësohet nga Kante për të mbështetur Jorginhon. Zyiech rikthehet në front, i lidhur me Lukakun dhe Pulisic.

Nga ana e “Dhelprave”, Brendan Rodgers bën disa ndryshime në skuadrën që theu Watford këtë fundjavë (5-1) dhe të cilën e kalon në 3-5-2. I privuar nga Tielemans, trajneri i Leicester padyshim që e vendos Vardyn në ballë, në duet me Iheanacho, ashtu si Fofana në boshtin e mbrojtjes. Mendy është vendosur në pozicionin e numrit 6.

Formacionet zyrtare: