Vjen hapi i madh në karrierën e Myrto Uzunit. Sulmuesi i përfaqësueses shqiptare është pranë kalimit në një nga kampionatet më të njohura në Europë, La Liga, pasi ka marrë një ofertë të pa refuzueshme nga një nga klubet e elitës atje,

Lojtari ka shkëlqyer me Ferencvarosh, duke qenë në një vit e gjysmë atje padyshim lideri i repartit të avancuar, duke bindur me lojë dhe me gola të rëndësishëm të shënuar në kampionat dhe në Europë, ku provoi fazën e grupeve të Ligës së Kampioneve e së fundmi edhe të Ligës së Europës.

Paraqitje të cilat kanë tërhequr vëmendjen e klubit të Granada në Spanjë dhe sipas mediave hungareze, ai do të jetë destinacioni i tij i radhës.

Sulmuesi mungon në ndeshjen e sotme të Ferencvarosh ndaj Ujpesht pasi raportohet se ka udhëtuar drejt Spanjës.

Atje do të kryejë vizitat mjekësore dhe firmosur me klubin spanjoll para mbylljes së merkatos së janarit, e cila në Spanjë finalizohet gjatë ditës së nesërme.