Sipas “Gazetta dello Sport”, Milan dhe Theo Hernandez kanë arritur marrëveshje për rinovimin e kontratës së mbrojtësit francez. Kontrata e re, e cila do të nënshkruhet së shpejti, do të zgjatet për dy vite, deri në qershor të vitit 2026. Mbrojtësit 24-vjeçar do t’i rritet ndjeshëm paga nga një milion e gjysmë euro që fiton aktualisht në më shumë se katër milionë neto, plus bonuse.

Rinovimi i Hernandez është i pari nga tre për kuqezinjtë. Duke qenë se pas francezit, janë sulmuesi portugez Rafael Leao dhe mesfushori algjerian Ismael Bennacer që do të rinovojnë kontratën me klubin Lombard.