Talenti braziliani që luan për Real Madridin Vinicius Junior i ka gëzuar tifozët e këtij klubi me një veprimin e tij në ndeshjen ndaj Valencias, duke treguar në një situatë të padëmshme se sa shumë do të thotë për të stema e këtij klubi.

Ndonëse shënoi dy gola, ku tregoi edhe një herë se është në formë të shkëlqyer, Vinicius tërhoqi vëmendje të veçantë me veprimin e bërë në pjesën e dytë, kur lëvizja e tij ndoshta fitoi përgjithmonë zemrat e tifozëve të Klubit Mbretëror.

Në momentin e një sulmi, topi doli jashtë fushës dhe futbollisti brazilian, duke vrapuar pas tij, nuk donte të prekte në stemën e klubit pranë vijës së jashtme, por vendosi ta kapërcejë atë dhe siç kuptuan shumë media evropiane, tregon respekt për klubin dhe stemën.

Vinicius jumped because he didn’t want to step on the Real Madrid logo.

Respect ? pic.twitter.com/Bjcgq9KyA9

— ESPN FC (@ESPNFC) January 8, 2022

Situata e përmendur shpejt u bë virale në rrjetet sociale dhe megjithëse fillimisht mund të mos ketë qenë ide e Vinicius, ai përfundimisht do të marrë të gjithë lavdinë e kësaj lëvizjeje dhe do të fitojë zemrat e tifozëve.

Këtë sezon, Vinicius luajti gjithsej 26 ndeshje për Realin dhe shënoi 14 gola dhe dhuroi nëntë asistime. Ai zhvilloi ndeshje të mira në La Liga, ku shënoi 12 gola në 20 ndeshje.