Mesfushori i Shpresave, Anis Mehmeti ka qenë protagonist në barazimin e skuadrës së tij, Wycombe Wanderers 3-3 me Sunderland në Ligën e Parë angleze.

Mesfushori 20 vjeçar gjeti rrugën e rrjetës në minutën e 13-të, duke barazuar përkohësisht shifrat 1-1. Futbollisti mori topin në kufijtë e zonës dhe lëshoi një gjuajtje të pakapshme për portierin kundërshtar.

Ndeshja përfundoi me shifrat 3-3 dhe nuk ndryshoi pozitat e të dy skuadrave, pasi Sunderland mbetet në vendin e dytë me 50 pikë, ndërsa Wycombe në të tretin me 46 pikë. Për Mehmetin ky është goli i katërt i këtij sezoni, ndërsa ka dhënë edhe një asist.