Paul Pogba prej kohësh përflitet se do të largohet nga Manchester United në fund të sezonit. Mesfushori francez kërkohet nga disa klube të mëdha europiane si Real Madrid apo Juventus. Mirëpo, drejtuesit e skuadrës së United do të përpiqen të ndalojnë largimin e Pogbas dhe po përgatisin një ofertë me një pagë prej 500,000 £ në javë, e cila nëse pranohet, do ta bënte francezin,  lojtarin më të paguar në historinë e Premier League.

Kjo ndoshta do të jetë oferta e fundit për Pogban dhe nëse ai refuzon kontratën e re, nuk ka dyshim se do të largohet nga Manchester United dhe do të ndryshojë skuadër.