Sot, në orën 13:30 do të zhvillohen shtatë ndeshjet e kthimit të turit të dytë të Kupës së Shqipërisë.

Në Grupin A, Teuta do të mundohet që të ruajë rezultatin e kthimit 1-0 ndaj Korabit ku do të përballen në kompleksin “Olimpik Park”.

Gjithashtu edhe Partizani do të mundohet që të ruajë këtë rezultat minimal 1-0 ndaj Besëlidhjes, ku ky takim do të luhet në stadiumin “Nexhip Trungu” të Cërrikut.

Skënderbeu dhe Bylisi do të luftojnë sot në Korçë për tu kualifikuar për raundin tjetër, ku ndeshja e parë u mbyll me rezultatin 1-1.

Sfida e fundit për Grupin A do të zhvillohet nesër në orën 19:45, ku derbi i kryeqytetit Tirana-Dinamo do të luhet në stadiumin “AIR Albania”.

Në Grupin B, Vllaznia do të luajë ndaj Pogradecit teksa ndeshjen e parë ka triumfuar me rezultatin 2-0.

Laçi do të mundohet të ruajë rezultatin minimal 1-0 ndaj Tomorit, ku kjo sfidë do të zhvillohet në kompleksin “Internacional” në Pezë-Helmes.

Kukësi në stadiumin “Flamurtari” do të ketë një mision të vështirë, për të kthyer rezultatin 1-3 ndaj Egnatias dhe për tu kualifikuar për raundin tjetër.

Kastrioti dhe Flamurtari do të masin forcat në stadiumin “Redi Maloku” të Fushë-Krujës, ku takimi i parë është mbyllur pa gola.

E mërkurë

Kastrioti – Flamurtari     (0-0)

Kukësi – Egnatia            (1-3)

Laçi – Tomori                 (1-0)

Partizani – Besëlidhja    (1-0)

Skënderbeu – Bylis         (1-1)

Teuta – Korabi                (1-0)

Vllaznia – Pogradeci      (2-0)

E enjte

Tirana – Dinamo             (0-2)