Ronaldo larg United, ja cilat janë pesë ekipet ku është përqendruar ylli portugez

Ronaldo larg United, ja cilat janë pesë ekipet ku është përqendruar ylli portugez

17:23, 11/11/2021

Aventura e Cristiano Ronaldos te Manchester United mund të përfundojë më shpejt sesa pritej. Sipas prestigjiozes "The Sun" Ronaldo do të largohet në fund të sezonit, nëse nuk arrihet zona Champions.

Po cila do të jeta skuadra e tij e re?

"The Sun" ka renditur 5 skuadra që mund të jenë destinacioni i radhës i portugezit.

Manchester City

36 vjeçari ishte shumë pranë akordit me ‘Qytetarët’ në merkaton e verës, por në fund vendosi të rikthehej tek United. Gjithsesi trajneri Pep Guardiola e vlerëson sulmuesin dhe i duhet dikush që mund të mbushë boshllëkun e krijuar nga Kun Aguero, i cili u largua në verë për tek Barcelona.

PSG

Francezët tashmë janë një ekip yjesh ku vetëm në sulm kanë lojtarë të kalibrit si Mbappe, Neymar dhe Messi. Paratë e sheikëve ndoshta do ta intrigojnë Ronaldon dhe sepse ai nuk ka luajtur kurrë në Francë. Tifozët ëndërrojnë të shohin portugezin dhe Messin në një ekip.

Inter Miami

Skuadra e cila është në pronësinë e legjendës David Beckham, po tërheq shumë yje nga Europa dhe Ronaldo do të ishte qershia mbi tortë.

Sporting Lisbona

Për 36 vjeçarin ky do të ishte një rikthim në vendlindje. Mamaja e tij ka shprehur shpesh dëshirën që djali i saj të veshë përsëri fanellën e Sportingut.

Real Madrid

Me madrilenët Ronaldo ka fituar gjithçka dhe aty do të gjente Carlo Ançelottin, me të cilin fitoi ‘La Deciman’ në 2014.

Për momentin nuk ka asnjë tratativë sepse gjithçka do të varet nga ecuria e Mançester Junajtid deri në fund të sezonit. Anglezët gjenden aktualisht në vendin e 6 në kampionat, me vetëm 17 pikë të grumbulluara.

© SYRI.net

Lexo edhe:

Bëje LIKE dhe merr lajmin e fundit nga Sporti:

Komentet

Shto koment

Denonco