Në Barcelonë është dita e Xavi-t . 41 vjeçari kthehet në shtëpi për të tentuar të ringrejë skuadrën blaugrane, në krizë rezultatesh.

Para prezantimit zyrtar, ish-mesfushori ka folur për kanalet zyrtare të klubit: "Është një ëndërr e bërë realitet. Në vitin 2015 u largova, por ëndrra ishte të kthehesha dhe e bëj me përgjegjësinë më të madhe, por me shumë entuziazëm. Duhet të punojmë. Kjo është shtëpia ime dhe nëse është një moment i vështirë historik, ndihem i përgatitur. ADN-ja ime nuk ka ndryshuar, ideja është gjithmonë të jem protagonistë, të kesh topin, të krijosh raste, të jesh intensiv. Një ekip me talent dhe një brez fantastik të rinjsh. Dua të përcjell entuziazëm”.

Situata e vështirë: "E di që kam ardhur në një moment të komplikuar. Më pëlqejnë sfidat dhe nuk mund të isha në një vend më të mirë. Është një sfidë spektakolare. Do të jap jetënpër t'u siguruar që gjithçka të funksionojë. Është sfida më e madhe e karrierës sime.

Djali i Barcelonës: "Njohja e klubit është një avantazh. Do të ketë momente intensive, por ne duhet të qëndrojmë të bashkuar dhe të gjithë të luftojmë në të njëjtin drejtim. Ne duhet të qëndrojmë të bashkuar në mënyrë që Barça të mund t'i kthehet titujve. Më pëlqejnë sfidat. Një nga objektivat do të jetë argëtimi”.

Telefonata: "Presidenti tha se më donte këtu. Unë i thashë se kisha një klauzolë dhe gjërat u ndërlikuan pak."

Ish-shokët e skuadrës: "Njohja e disa lojtarëve është një avantazh. Busquets, Pique, Alba dhe Ter Stegen ishin shokët e mi. Do të kërkoj shumë nga të gjithë. Dua t'u shpjegoj idenë time për punën, rregullat e bashkëjetesës. Nuk më pëlqen fjalët, disiplina, është çështje rendi."

?❤️ #Xavi | Desde la llegada de Neymar que el Camp Nou no recibía a alguien de esa manera. Ilusión por las nubes en la afición#FCB #FCBarcelona #FCBlive

pic.twitter.com/EV5A8PxL8T

— Carlos (@ccerecedo_) November 8, 2021