Prej disa kohësh jashtë, për shkak të një dëmtimi në gju, Edon Hasani më në fund kthehet në fushat e lojës.

Për të festuar rikthimin e mesfushorit aktual të Kastriotit ka menduar sulmuesi i Tiranës Majkëll Ngo, ku së bashku fituan dhe titullin kampion te bardheblutë gjatë sezonit 2019/2020.

Ngo, me anë të një fotoje të publikuar në “Story”-n në profilin e tij të rrjetit social “Instagram” ka shkruar fjalë emocionuese për shkodranin 29-vjeçar:

“I lumtur që të shoh të kthehesh sërish në fushë pas një periudhe të gjatë. Zoti të dha forcën që të vazhdosh për të shkruar dhe shumë kujtime të tjera në këtë sport. Me shumë dashuri”, shkroi Ngo.