Diego Simeone e ka bërë të qartë se nuk do t'i shtrëngojë dorën Jurgen Klopp pas ndeshjes së Atletico Madrid kundër Liverpool të mërkurën mbrëma, pasi preferon të takojë privatisht trajnerin e kundërshtarit.

Pati shumë polemika të krijuara në Angli nga fakti që Simeone vrapoi nëpër tunel në vend që t'i shtrëngonte dorën Klopp pas fitores 3-2 të Liverpool- it në Madrid, por kjo është diçka që bosi i Atletico- s e bën pas çdo ndeshje – fitorje , humbje ose barazimi.

“E shpjegova pas ndeshjes [mes dy palëve në Madrid]”, u përgjigj Simeone gjatë konferencës për shtyp të së martës para ndeshjes.

“Nuk më pëlqejnë përshëndetjet pas ndeshjeve, sepse e kuptoj gjithmonë që emocionet e trajnerëve janë të ndryshme.

“Në Angli shihet si një gjest zotëri, por unë nuk e ndaj [atë mendim] sepse nuk më pëlqejnë gënjeshtrat që mund të përfshijnë.

“Nuk mund të flas për personin sepse nuk e njoh, e vlerësoj se çfarë trajneri i madh është dhe punën e madhe që ka bërë.

“Nuk kam një mendim se si luajnë skuadrat kundërshtare, kam parime dhe mes trajnerëve duhet ta respektojmë atë situatë”.

Përgjigja e Klopp

Klopp, gjatë konferencës së tij për shtyp para ndeshjes, pranoi se do të përpiqet të shtrëngojë duart me Simeone para ndeshjes.

"Unë e respektoj shumë atë që ai po bën. Absolutisht e jashtëzakonshme kundër shumë skuadrave të forta vit pas viti, me të vërtetë mbresëlënëse," tha Klopp .

"Nëse do ta dija që ai nuk e bëri atë [shtrëngimet e duarve pas lojës], nuk do të kisha shkuar për të. Unë pres që do të shtrëngojmë duart përpara ndeshjes nesër."