Lukas Kardozo i është nënshtruar një operacioni të detyruar ditën e sotme, teksa pati probleme në supin e majtë.
Për futbollistin e Partizanit, fatmirësisht operacioni ka përfunduar me sukses dhe ai tashmë do t’i nënshtrohet rikuperimit, që mund të zgjasë gati gjashtë javë.
Lajmin e kalimit me sukses të operacionit të brazilianit e ka bërë publike vetë klubi i Partizanit me anë të një postimi në profilin e tyre në rrjetin social “Facebook” duke shkruar se gjithçka shkoi mirë për 27-vjeçarin.
NJOFTIMI I KLUBIT TË PARTIZANIT –
“LUKAS KARDOSO KALON ME SUKSES OPERACIONIN DELIKAT
Ka përfunduar me sukses ndërhyrja kirurgjikale në supin e majtë e Lukas Kardosos. Sulmuesi i kuq i cili u dëmtua në takimin ndaj Kukësit, i është nënshtruar sot operacionit. Pas luxacionit akromio klavikular të shkaktuar është ndërhyrë për riparimin e tij. Tashmë Kardoso do ti nënshtrohet një programi të veçantë rikuperimi i cili parashikon një periudhë kohore prej 6 javësh.
#RikthimTëShpejtëLukas”
© SYRI.net
Bëje LIKE dhe merr lajmin e fundit nga Sporti: