“Ka pankina dhe pankina në Seria A. Sot ne kemi luajtur me Karsdorp në linjën me katër mbrojtës, që ishte në dyshime deri në minutën e fundit. Kemi pasur edhe tre mbrojtës në stol si Reynolds, Marash Kumbulla dhe Calafiori”.

Marash Kumbulla nuk është në listën e të preferuarve të Jose Mourinho-s. Trajneri portugez preferon ta aktivizojë mbrojtësin shqiptar vetëm kur Roma luan në Conference League, duke e lënë jashtë fushave në ndeshjet në kampionat.

Duke parë situatën në Itali kanë filluar të aludojnë për një largim të futbollistit kuqezi nga radhët e klubit romak. Ndërrimi i skuadrës nuk do ishte surprizë për Kumbullën, me Mourinhon që ka kërkuar edhe dy lojtarë të rinj në janar.

Pritet të shihet nëse deri në merkaton e ardhshme do ketë mundësi aktivizimi për shqiptarin, që me Kombëtaren kuqezi ka bërë se fundmi paraqitje të mira.