Një video qesharake është shpërndarë në rrjetet sociale teksa shihet një tifoz që godet me top në kokë futbollistin.

Pamjet vijnë nga futbolli në Maqedoninë e Veriut, ku bëhet fjalë për ndeshjen midis Shkupit dhe Akademija Pandev.

Në një moment ekipi shqiptar do të nxirrte topin jashtë dhe lojtari i skuadrës maqedonase shkoi për të kërkuar topin te tifozët e Shkupit.

Një prej tyre ka zgjedhur që të tallet me futbollistin e Akademija Pandev dhe nuk ia ka dhënë topin.

Në momentin që lojtari kundërshtar është kthyer duke u shprehur i pakënaqur, vjen menjëherë topi që lëshohet nga tifozi direkt në kokën e futbollistit.