Ish -luftëtari i UFC, Khabib Nurmagomedov ishte mysafir në “Old Trafford në ndeshjen midis Manchester United dhe Everton (1: 1).
Kampioni nga Dagestani ndodhej në “Teatrin e Ëndrrave” me ftesë të Cristiano Ronaldos. Së fundmi, Khabib ka postuar një video të "përballjes" me tyre para ndeshjes, teksa i ka dërguar një mesazh portugezit.
Dihet që Khabib është mik i madh i Ronaldos që nga periudha kur CR7 luante për Real Madridin dhe takimi i tyre ishte mjaft entuziast, duke gjykuar nga fotot dhe videot që luftëtari postoi në Instagram.
"Ai është më i miri i të gjitha kohërave, vazhdoni të punoni kampion. Ju frymëzoni miliona njerëz në të gjithë botën," shkroi Khabib në një përshkrim të postimit.
Khabib gjithashtu mori dhuratë fanellën e United me numrin e famshëm shtatë gjatë vizitës së tij në "Old Trafford", teksa mikpritësit i bënë një nder të madh duke i shkruar emrin në fanellë.
Gjithashtu, ndërsa shijonte ndeshjen, Khbib pati një shans të fliste me të madhin Alex Ferguson, duke zbuluar se skocezi madje e ftoi për një gotë verë, por se ai e refuzoi ftesën për arsye fetare.
Luftëtari rus i pamposhtur ka qenë gjithmonë tifoz i futbollit dhe përveç Cristiano Ronaldos ai ka miq edhe Karim Benzema dhe Zlatan Ibrahimovic. Ai njihet si tifoz i zjarrtë i Real Madrid.
© SYRI.net
Bëje LIKE dhe merr lajmin e fundit nga Sporti: