Mbrëmje fantastike për Antoine Griezmann dhe Atletico Madrid. I futur në fushën e lojës si zëvendësues në ndeshjen kundër Milanit, sulmuesi francez ishte autor i golit të barazimit (minuta 84) për klubin madrilen para se Luis Suarez t’i dhuronte fitoren në momentet e fundit (1-2). Pas ndeshjes në të cilën rezultoi vendimtar, Griezmann foli për mikrofonin e “BeIN Sports” në fund të takimit, ku u shpreh”
" Ndihem mirë! Fillimi im i sezonit nuk ka qenë i mirë për mua. Isha në stol dhe është e vështirë sepse dëshiron të luash, por unë jam i lumtur me fitoren dhe golin, ndihem mirë.
Ishte e vështirë, pasi është një stadium dhe ekip i komplikuar për të luajtur. Fundi i ndeshjes nuk ishte i lehtë, por ne gjetëm hapësirën për të shënuar dhe për të fituar. Kisha nevojë për një mbrëmje të tillë. Mund të përmirësohem ende dhe ky gol do të më japë besim," u shpreh Griezmann.
© SYRI.net
Bëje LIKE dhe merr lajmin e fundit nga Sporti: