Kur gjyqtari Simone Sozza do të vërshëllejë fillimin e ndeshjes mes Romës dhe Sassuolos të dielën në orën 20:45 minuta, Mourinho do të regjistrojë zyrtarisht ndeshjen e tij të 1 mijtë në karrierë.

Eksperti portugez ka qenë trajner i Benficas, Leirias, Portos, Chelseat, Interit, Real Madrid, Manchester United dhe Tottenham, teksa është ulur në stol 999 herë, dhe në ndeshjen e nesërme me Romën do të regjistrojë ndeshjen e 1000 në karrierë.

Kështu, Mourinho do të bëhet trajneri i 48 -të në histori që regjistron 1.000 ndeshje. Deri në fund të vitit, pritet të kalojë bashkatdhetarin e tij Fernando Santos (1,008) dhe Ivica Osim (1,010).

Mbajtësi i rekordit është Sir Alex Ferguson me 2,155 ndeshje.