Portugezi Cristiano Ronaldo, në bashkëpunim me Nike, rinovoi sheshin e lojërave ku u rrit dhe nisi të hidhte hapat e parë në futboll, teksa ai ndau një video në rrjetet sociale, ku tregoi se si duket tani fusha.
Kjo fushë futbolli ndodhet në qytetin e Ronaldos, Funchal, dhe në këtë mënyrë CR7 të paktën pjesërisht po përpiqet të paguajë "borxhin" ndaj komunitetit që i dha shumë në rininë e tij.
"Fusha Quinta do Falcao në Funchal është vendi ku kalova shumë orë si fëmijë duke goditur topin në mur dhe ku shënova golin tim të parë. Jam i emocionuar që rindërtoj fushën me Nike dhe gjej një mënyrë për t'i kthyer komunitetit që më dha aq shumë kur isha fëmijë. Asnjëherë mos ndalo së ndjekuri ëndrrat e tua ”, ka shkruar Ronaldo.
Ronaldo kohët e fundit u kthye tek Manchester United dhe do të bëjë debutimin e tij për klubin e ri / të vjetër më 11 shtator kundër Newcastle.
© SYRI.net
Bëje LIKE dhe merr lajmin e fundit nga Sporti: