Zona e Divjakës është duke eksportuar masivisht shalqin këtë sezon, ku sipas fermerëve çmimi aktualisht është i kënaqshëm.

Mirëpo, këtë vit, feremrët po hasin në një problem, që duket se do t`i penalizojë në mbarëvajtjen e vjeljes së prodhimit, mungesën e fuqisë punëtore.

Shtimi i kërkesës për fuqi punëtore, është shoqëruar me rritje të ofertës prej tyre, pasi punëtorët që ende janë në treg kanë rritur çmimin për ditë pune, duke shtuar, sipas fermerëve, kostot.

Fermerët gjithashtu kanë frikë se mos grumbulluesit bëjnë të njëjtën gjë si vitet e kaluara, duke bllokuar prodhimin, me qëllim uljen e çmimit. Ndaj kërkojnë vëmendje nga shteti.