Prej dy ditësh 3 fshatra të njësisë administrative Udënisht, si : Piskupat, Boqezë dhe Lin përballen me mungesë të energjisë elektrike si pasojë e defekteve të linjës  nga e cila furnizohen që është fidri i Prrenjasit.

Ditën e djeshme nuk ka patur energji, ditën e sotme vetëm disa orë gjatë ditës dhe aktualisht qindra familje të këtyre fshatrave janë pa energji.

Ndërkohë, informacionet nga OSHEE Librazhd e cila furnizon këto fshatea thonë se është punuar gjatë ditës por nuk është arritur ti jepet zgjidhje problemit.

Problemi lidhet me rrëzime të shytllave dhe këputje përcjellësash të energjisë.