Përmbytjet nga lumi Vjosë në Fier kanë shkaktuar dëme të mëdha jo vetëm në banesë. Shaqo Çervenaku është një nga fermerët që ka humbur dhjetëra kokë bagëti pasi u mbytën në ujë, ndërkohë që kërkon ndihmë nga shteti për të shpëtuar ato që i kanë mbetur.

Nga SYRI TV

Përmbytjet nga dalja e lumit Vjosë në fshatrat e Fierit dhe Vlorës, kanë lënë pas dëme të mëdha për fermerët. Në fshatin Kafaraj, blegtori Shaqo Çervenaku ka humbur dhjetëra kokë bagëti të imta, ndërkohë që uji i ka dëmtuar dhe bazën ushqimore.

Blegtori në fshati Kafaraj i Fierit kërkon ndihmën e shtetit, pasi për shkak të mungesës së bazës ushqimore, rrezikon të humbasë edhe bagëtitë e tjera.

Si Shaqo Çervenaku ka dhe shumë fermerë të tjerë në fshatrat e Fierit dhe Vlorës, të cilët u dëmtuan nga përmbytjet, ndërkohë që deri më tani nuk kanë marrë asnjë subvencion.