Një studim i ri nga Universiteti Shtetëror i Kalifornisë sugjeron se prirjet individuale, si përkushtimi personal dhe ndjeshmëria ndaj tundimit, janë arsyet kryesore të tradhtisë, sesa cilësia e marrëdhënies.

Studiuesit anketuan 1912 individë të martuar ose që bashkëjetojnë, duke pyetur për angazhimin e tyre në marrëdhënie dhe sjelljen e partnerit. Studimi, i publikuar në Deviant Behavior, zbuloi se ata që ishin shumë të përkushtuar ndaj marrëdhënies së tyre kishin 78% më pak gjasa të tradhtonin. Kjo sfidon besimin se mungesa e pasionit apo intimitetit nxit tradhtinë.

Studimi thekson se tradhtia është një vendim personal, kryesisht i pandikuar nga veprimet e partnerit apo niveli i intimitetit të marrëdhënies. Dashuria dhe marrosja pas një partneri nuk e parandalojnë domosdoshmërisht tradhtinë.

Studimet e mëparshme e kanë lidhur tradhtinë me pakënaqësinë, mungesën e intimitetit dhe atraktivitetin e partnerit. Megjithatë, ky studim thekson se angazhimi personal luan një rol vendimtar për të qëndruar besnik.

Jeff Yoo, një terapist martesash, nënvizon se komunikimi dhe besimi janë jetik për një marrëdhënie të shëndetshme. Kur këto dështojnë, marrëdhënia është në rrezik më të lartë të tradhtisë dhe dështimit eventual.