Shkencëtarët në Shtetet e Bashkuara thonë se kanë gjetur me siguri një pacient të dytë, trupi i të cilit duket se e ka “hequr qafe” virusin HIV – i cili shkakton SIDA - n – në mënyrë natyrale, pa një transplant të mëparshëm të qelizave staminale. 

Trupi i pacientit nuk shfaq më asnjë gjurmë të gjenomit të virusit.

Studiuesit në MIT dhe në Universitetin e Harvardit dhe në Spitalin e Përgjithshëm Massachusetts, të udhëhequr nga Dr. Su Yu, e quajtën atë një "pacient Esperanza" duke treguar se ata analizuan pothuajse 1.2 milion qeliza gjaku dhe 503 milionë qeliza indore, pa gjetur as gjurmën më të vogël të HIV-it.

Gjatë infeksionit, HIV fut kopje të gjenomit të tij në ADN-në e qelizave njerëzore, duke krijuar një "rezervuar" të tij. 

Në këtë mënyrë, virusi fshihet efektivisht nga barnat anti-HIV dhe nga reagimet e sistemit imunitar të pacientëve.

Në shumicën e pacientëve, grimcat e reja të virusit dalin vazhdimisht nga ky "rezervuar". 

Terapi anti-retrovirale (ART) nuk mund të eliminojnë grimcat e reja të virusit, kështu që është e nevojshme administrimi përditshëm i barnave.

Por disa pacientë kanë një sistem imunitar të aftë për të shtypur HIV-in pa pasur nevojë për mjekim. 

Edhe pse ata kanë ende "rezervuar" viral, ata kanë qeliza T vrasëse që janë në gjendje të shtypin virusin vetë, pa ndihmën e ilaçeve.

Në vitin 2020, ekipi hulumtues i Suu Kyi raportoi për herë të parë në revistën Nature se një grua 67-vjeçare ishte diagnostikuar me HIV 30 vjet më parë dhe u emërua "Pacient i San Franciskos", në të cilën kishte prova të forta se “rezervuari” ishte eliminuar, pasi në ADN-në e saj nuk kishte gjurmë të plota të gjenomit viral. 

Studiuesit nuk përjashtuan mundësinë që të ketë edhe raste të tjera të pacientëve me HIV që janë trajtuar vetë, por ende nuk janë bërë të ditur. 

Nëse shkencëtarët i kuptojnë plotësisht mekanizmat imunitar pas vetë-trajimeve të tilla, ata ndoshta do të jenë në gjendje të zhvillojnë lloje të reja terapish që do të "mësojnë" sistemin imunitar dhe pacientët e tjerë të imitojnë reagime të tilla kundër HIV.