I dërguari special i Bashkimit Evropian për dialogun ndërmjet Kosovës dhe Serbisë, Miroslav Lajçak, është takuar me presidentin e Serbisë, Aleksandar Vuçiq, në kuadër të Asamblesë së Përgjithshme të Kombeve të Bashkuara në New York.

Në një postim në platformën sociale X, Lajçak ka bërë të ditur se gjatë këtij takimi kanë diskutuar për zhvillimet e fundit në procesin e dialogut.

Ai theksoi rëndësinë e ri-angazhimit dhe zbatimit të Marrëveshjes Bazë, përfshirë Aneksin e Ohrit.

“Sot në mëngjes u takova me presidentin Vuçiq në margjinat e Asamblesë së Përgjithshme të OKB-së. Diskutuam në detaje për ngjarjet e fundit në dialog dhe nevojën për ri-angazhim, si dhe zbatimin e Ohrit në kontekstin e Planit të Rritjes për rajonin,” ka shkruar Lajçak në platformën X.

This morning I spoke to @predsednikrs @avucic on the sidelines of #UNGA. We discussed in detail about the latest events in the Dialogue and the need for re-commitment and implementation of Ohrid also in light of the 🇪🇺 Growth Plan for the region. pic.twitter.com/YjFoCnlCmA

— Miroslav Lajčák (@MiroslavLajcak) September 25, 2024

Ky takim vjen në një kohë kur dialogu ndërmjet dy vendeve ka hyrë në një fazë kritike, me rëndësi të veçantë për stabilitetin dhe zhvillimin e rajonit.