Iriqi:- Shumë gaz lotsjellës hodhe në protestë?
Hoxha:- Vërtet?
Iriqi:- Dhe e dogjët një person duke ia hedhur te këmbët molotovin e ndezur.
Hoxha- Vërtet?
Iriqi:- Pse nuk i latë protestuesit të afroheshin te Parlamenti?
Hoxha:- Vërtet?
Iriqi:-Kishe nxjerrë në Facebook disa fraza ironie për mosbindjen civile. Pse?
Hoxha:-Vërtet?
Iriqi:- Pse nuk më jep përgjigje, por veç më pyet me habi, vërtet, vërtet?
Hoxha:- Se ato pyetje që bën ti nuk më takojnë mua, o Iriq.
Iriqi:- Po a je ministër i Brendshëm?
Hoxha:- Unë jam ministër i vetes. Kaq. Ministër i Brendshëm, i Jashtëm, i Energjetikës, i Financës, i Kulturës, i Turizmit është Rama, o vëlla. Se harrova. Edhe President ai është. Se harrova. Edhe Gjykatë ai është. Se harrova. Edhe Kryedoganier ai është. Se harrova. Gjithçka ai është. Ndaj mos m’u drejto mua.
Iriqi:- Po ti çfarë je?
Hoxha:- Thjesht një manekin në dyqanin plot vitrina të qeverisë. Na vendos atje Rama rresht e i thotë botës, ja shiheni, kjo është qeveria ime. Kaq e ikën ai. Merr makinën, aeroplanin dhe shet atdheun, jep tendera, shpërndan paratë e buxhetit te miqtë e shokët. Ble influencë nëpër botë.
Iriqi:- Po ju manekinët çfarë bëni?
Hoxha:- Ne luftojmë të rrëmbejmë ato që nuk ia kap syri atij. Nuk ngelim pa gjë, jo. Por ama ashtu me frikë.
Iriqi:- Frikë nga SPAK?
Hoxha:- SPAK na rri larg. Deri në zgjedhje e ka porosi të ketë mendjen te Berisha e te opozita. Më pas…
Iriqi:- Më pas çfarë?
Hoxha:- Më pas SPAK-u do të shkrihet. Ia arriti qëllimit, do thotë Rama. E një votim në parlament e fshin historinë e kësaj gijotine, kësaj vegle. Pas dy ditësh vjen një miratim nga ambasada e u kry. Arritëm në monizëm. Atje ku ishim. Ndaj mbiemri im do marrë më shumë shkëlqim në të ardhmen e mbase më lenë gjatë si manekin në atë vitrinë. Amen!
© SYRI.net