Një ditë para protestës së madhe kombëtare të opozitës, kryetari I Partisë Demokratike Sali Berisha deklaroi se kjo protestë shënon nisjen e mosbindjes civile pa ndalim ndaj narkoshtetit të Edi Ramës deri në krijimin e qeverisë teknike. Në një mesazh drejtuar qytetarëve, Berisha u bëri thirrje të rinjve, pensionistëve, bizneseve, fermerëve, mjekëve, mësuesve, shumicës së heshtur të shqiptarëve, për të dalë në mosbindje civile, për të ndaluar rikthimin e diktaturës në Shqipëri.
Syri tv
24 orë para protestës së opozitës, Kryetari i Partisë Demokratike, Sali Berisha paralajmëroi se protesta e 7 tetorit , do të shënojë nisjen e mosbindjes civile në vend, kundër qeverisë së kryeministrit Edi Rama. Përmes një video mesazhi, lideri I Partisë demokratike, deklaroi se mosbindja civile nuk do të ndalojë, deri në krijimin e qeverisë teknike, dhe rikthimin e zgjedhjeve të lira, duke njoftuar një kapitull të ri, në betejen e opozitës.
Kreu demokrat, tregoi edhe arsyet, se përse opozita do të përshkallëzojë aksionin e saj, deri në mosbindje civile, pas vitesh me radhë, protesta dhe apelit të vazhdueshëm për të rikthyer të drejtat kushtetueses në vend.
Lideri demokrat, u bëri thirrje të gjithë qytetareve ti bashkohen protestës së opozitës, të hënën e 7 tetorit të orën 18;00, për të reaguar ndaj keqqeverisjes, duke kujtua se ndërsa mijëra shqiptarë, largohen dhe jetojnë në kufijtë e mbijetesës, Kryeministri Rama dhe qeveritarët e tij, jetojnë në luks.
Ftesa e kryetarit të Partisë demokratike, ishte një apel për qytetarët, që të ngrihen në protestë, për të mos lejuar rikthimin e diktaturës në vend.
© SYRI.net