Sekretari i Përgjithshëm i PD-së, Flamur Noka ka folur me tone të ashpra për mazhorancën e korruptuar dhe kriminale, teksa ka komentuar burgosjen e Ervin Salianjit.

I ftuar në ‘Top Story’, Noka u shpreh se nuk i intereson për asnjë person nga mazhoranca, ndërsa theksoi se ka provuar burgun e diktaturës komuniste dhe për nuk ia ndien fare për këtë diktaturë.

Gjithashtu Noka i cilësoi deputetët e PS-së si miza që nuk i hyjnë aspak në sy.

Noka: Salianji është në burg për fjalën e lirë sepse ka guxuar të denoncojë mafien, një të vërtetë që godiste mafien e familjes Xhafaj. Por këtu është problem të thuash një të vërtetë. Flamur Noka është njeriu që ka provuar burgun e diktaturës dhe nuk ma ndjen fare për këtë diktaturë këtu. Nuk më hyjnë në sy këta, më duken miza. Salianji sulmoi një familje mafioze.