Në ditën ndërkombëtare të të moshuarve, pensionistët në qytetin e Lezhës e kanë cilësuar si tallje indeksimin e pensioneve në masën 4,1%, i cili nis nga dita e sotme 1 tetor. Përveç pakënaqësisë, ata shprehen se do të rimendojnë edhe votën e tyre që deri më tani ia kanë dhënë partisë në pushtet si një elektorat i sigurt.

 Të irrituar të moshuarit e qytetit të Lezhës thonë se pensioni që marrin nuk ju del as për ilaçe.

Prej ditës së sotme pensionistet e Lezhës po marrin pensionin bashkë me rritjen në masën 4.1 %, por që ky vendim jo vetëm që nuk ka gëzuar moshën e tretë, por i ka irrituar edhe më shumë ata.