Ilir Meta për Sali Berishën është një aleat i çmuar dhe partia e dytë më e madhe opozitare në vend.

Në debat me Alba Alishanin, kreu i demokratëve, foli dhe rreth koalicionit me Partinë e Lirisë dhe nëse Ilir Meta do të jetë pjesë e listës së sigurt të deputetëve.

“Nuk është finalizuar sesi do të hyhet në zgjedhje, por Ilir Meta është një aleat i çmuar. Në këtë periudhë po diskutojmë për protestat e fuqishme që do të nisin, por natyrisht aleatët janë të hapur për të gjitha format e bashkëpunimit. Do të varet na forma e koalicionit. Nëse vendoset padiskutim. Nuk mund të paragjykoj formën që do të zgjidhet”, tha Berisha.